Tshepiso Mphidi Miss Limpopo 2025

Tshiṱori nga Maanda Bele. Ṱhalutshedzo nga Khathutshelo Raliphaswa.

Tshepiso Fulufhedziso Mphidi o vhewa khare ya Miss Limpopo 2025 nga tshifhinga tsha vhutambo he ha farelwa Bolivia Lodge nga ḽa 29 Ḽara. Nḓivhadzo yo sia nyalunako muswa a tshi vhonala musi a tshi khou humbula nga ha lwendo lwawe lwa u rengisa zwiḽiwa zwi ḓifhaho ngeo Univen u ya kha u wana iṅwe ya miṱaṱisano kha zwa lunako dza Limpopo dzi re na bvumo.

“Ndi kha ḓi vha ndo tshuwa zwiṱuku,” Mphidi o amba nga murahunyana ha u kunda hawe. “Fhedzi hezwi zwi sumbedza uri u shuma nga maanḓa zwi a vhuyedza vhukuma.”

Gundo ḽawe ḽo bva kha miṅwaha ya u ḓiimisela na u ḓitika nga inwi muṋe. Thero yawe ya u ṱaṱisana, “Ḓuvha ḽa Vhukuma ḽa Vhaswa ḽa Afurika Tshipembe,” ḽi sumbedza tshenzhemo yawe ya u ṱavhanya u ita zwithu nga matsheloni, mishumo ya tshifhinganyana, na vhuḓidini vhu sa fheli ha u dzula vhu tshi khou tshimbila. U itela u ḓiṱhogomela, u tshimbidza salon ṱhukhu ya uḓi nakisa ya, Glow and Show, a tshi ṋetshedza tshumelo dza makeup na zwipikiri. O dovha a rengisa zwiḽiwa zwi ḓifhaho Tshikoloni tsha Sekondari tsha Thohoyandou na kha nḓila yau livha Univen, ngeno a tshi khou eletshedza vhasidzana vhaṱuku nga tshikolo tshawe tsha zwa nyalunako.

Mphidi u ḓisa vhubvo ho khwaṱhaho ha u ṱaṱisana, hu tshi katelwa na madzina a fanaho na Miss Junior vha Dzitshakatshaka 2024, Miss Limpopo 2024, Miss Limpopo Province runner-p (2021), Miss Univen 2022, na Tiss Teen Galaxy 2022. Nga u angaredza, o wina zwiphuga zwa nyalunako zwa 31 nahone o swikelela u kunda nga u angaredza, zwine vhaṱaṱisani vho khunyeledzwaho.

Nga nnḓa ha zwa nyalunako, Mphidi ndi mutshudeni wa Masters kha mushumo wa matshilisano na mushumi wa ṱhogomelo ya khamphasini Yunivesithi ya Venda, a tshi thusa matshudeni nga mutsiko, mafhungo a mutakalo wa muhumbulo, na khaedu dza muthu nga eṱhe. “Mushumo wanga wo sedza kha u ṱuṱuwedza vhuḓifari havhuḓi khamphasini,” u ralo. “Ndi tshithu tshine nda tshi funesa.”

O thoma u ṱaṱisana kha muṱaṱisano wa nyalunako wa Miss Limpopo nga 2021, a fhedza sa ane a tevhela Miss Limpopo vha u thoma nga nwaha uyo. U vhuya ṅwaha uno, “u vhibva vhukuma na u ḓiimisela,” o khoḓa yeneyo nyengedzeo ya u bvelela hawe.

Sa Miss Limpopo 2025, Mphidi u khou pulana u sedza kha nḓivho ya mutakalo wa muhumbulo, mveledziso ya vhutsila ha vhaswa, na u sika zwiimo zwo tsireledzeaho zwa vhafumakadzi na vhana.

U fulufhela uri tshiṱori tshawe tshi ṱuṱuwedza vhaswa u mona na Afrika Tshipembe. O ri: “U bvelela a zwi thomi fhethu havhuḓi tshifhinga tshoṱhe.” “Nga zwiṅwe zwifhinga zwi thoma nga salon ṱhukhu, bege ya zwiḽiwa zwi ḓifhaho, na u hana u nyama. A hu na muloro une wa vha kule vhukuma musi u na ndivho, u pfela vhuṱungu, na u ḓiimisela.”

Date:16 December 2025

By: Khathutshelo Raliphaswa

Khathutshelo Prudence Raliphaswa started her journey in the media industry by studying Media Consultancy at Boston College in 2018. She continued her studies in journalism at IIE Rosebank College and graduated in 2022. Her passion is to be creative with words and tell stories in a more detailed way. She started as an intern at Limpopo Mirror in 2023 and is primarily responsible for the translations into Tshivenda..

Read: 397