Luimbo luswa lwa Una Rine lu ṱuṱuwedza vhathu u shuma nau konḓelela

Tshiṱori nga Thembi Siaga. Ṱhalutshedzo nga Khathutshelo Raliphaswa.

 Mivhunduni na dzi doroboni dza vhupo ha Vhembe, Nyendavhusiku kanzhi i swika na muungo wayo wo ḓoweleaho. Ṅwaha uno, wonoyo mutevhe u na muungo muswa. Afro-soul na ramuzika wa pop Una Rine zwenezwino, Ndivhe Nayo - zwine zwa amba uri “Ndi fanela u vha na tshelede” - yo bviswa nga ḽa 27 Ḽara nahone i khou ita magabelo nḓowetshumo dza zwa muzika u fana na YouTube na Spotify, i tshi khou kokodza zwigidi zwa vhathetshelesi hu sa athu fhela maḓuvha yo bviswa.

Kha luimbo o shuma na Ipfi Mathuga (Tailor Pain) na muhali wa kale wa Venrap Mizo Phyll, na u bveledzwa nga Jex and Sound Slucid. I hwala mulaedza u ṱuṱuwedzaho nga ha ṱhuṱhuwedzo ya vhane vha tevhela zwavho ane a shuma nga maanḓa u itela u fhaṱa u bvelela, kanzhi u bva kha zwiṱuku vhukuma. Una Rine uri luimbo lwo ṱangana nga maḓuvha mararu fhedzi nahone na ṱhanganedzo yo vha yo no vha nga u ṱavhanya.

“Ndo ḓa na dzina ngauri muṅwe na muṅwe a nga kona u ṱalutshedza. Roṱhe ri vuwa mushumoni na u ṱhogomela miṱa yashu, hu sa londwi zwiimo. Vhathu vha ya mushumoni nga tshiṅwe na tshiṅwe. Ndi luimbo lu ṱuṱuwedzaho. Ndi dovha nda rabela uri Mudzimu a tshimbile na riṋe kha zwoṱhe zwine ra zwi ita,” o ralo.

O engedza nga uri Ndivhe Nayo ndi luimbo lwa u thoma u wana thikhedzo ya u ṱavhanya nga u rali na nga nḓila i mangadzaho. “Zwi a mangadza. Vhupfiwa ndi havhuḓi, nahone ho vha hu lutamo lwanga u ita luimbo lwo raloho.Nyimbo nga yoṱhe i ḓo vhumba tshipiḓa tsha EP ntswa ine nda khou shuma khayo zwa zwino na Tailor Pain,” o ralo.

U bviswa hu tevhela ṅwaha u bveledzaho we Una Rine a bvisa dzi EP tharu: Lufuno lwa Muṅwe na Rol Dee, Crossroads na Osome Feyn, na Lufuno ngei Kumasi na Osome Feyn na Mizo Phyll.U tevhela hawe hune ha khou aluwa hu fhaṱa ṱhogomelo yo bveledzwaho nga Lagos ngei Venda,thendela ine ya ṱanganya Afrobeats na ṱhalutshedzo ya mvelele ya Venda nahone yo kokodza dzangalelo kha dzhango ḽoṱhe.

U bvelela ha mushumo wawe wa zwenezwino zwo thusa u vusuludza nḓila ine muzika wa dzingu wa Limpopo wa dzhiiwa ngayo kha zwigwada zwa muzika wa Afrika nga vhuphara. Lwendo lwa muzika wa Una Rine lwo thoma kerekeni, he a thoma u wana lufuno lwawe lwa u imba. Musi a tshi khou lugisela EP ine ya khou ḓa, u ri u na fulufhelo ḽa uri mvelaphanḓa ya murahu ha Ndivhe Nayo i ḓo isa phanḓa na u vula miṋango na u engedza u vha hone ha mubvumo wo ṱanganedzwaho nga Venda kha zwikhala zwihulwane.

Date:09 December 2025

By: Thembi Siaga

Thembi Siaga started as an intern during 2021. He assisted with video photography and editing. He also produced numerous small documentaries, focusing on the Vhembe region and its people. Currently he works as a freelance journalist, covering stories in the Elim area. Thembi studied at the Tshwane University of Technology, where he completed his diploma in Journalism in 2021.

Read: 381