Masalela a Makhulu Vho Emma o wanala thavhani

Tshiṱori nga Elmon Tshikhudo. Ṱhalutshedzo nga Khathutshelo Raliphaswa.

Muṱa wa makhulu Vho Emma Mushula vhe vha ngalangala nga 2022 nahone nga murahu vho wanala vho vhulahwa thavhani dza henefho dzi thavhani vho amba uri u tumbulwa ho vha sendedza tsini na u fhola.

Makhulu  Mushula la vha Tshiheni vho ngalangala nga 2022 musi vhe nḓilani ya u ya Kiḽinikini ya Hakhakhu u itela u wana ṱhogomelo ya zwa dzilafho. A vhango vhuya hayani. Muṱa wavho vho ḓou ya kha mapholisa uvha vhiga sa muthu o ngalangalaho, fhedzi u vha toda a zwo ngo anwa mitshelo.

Nga murahu ha miṅwaha miraru, u valwa ha tshipiḓa ho ḓa musi masalela avho a tshi wanala Thavhani ya Mangwele. Ndi hafho he miraḓo ya tshitshavha kha vhupo honoho vha wana masalela nga Musumbuluwo, ḽa 1 Nyendavhusiku, nga masiari hanefha kha awara ya 12:45 musi vhe kati nau zwima sa nga misi.

Tsini na marambo ho vha hu na zwithu zwavho, u katela na zwiambaro, tshipatshi tshitswu, bege ya zwanḓa, garaṱa ya vhuṋe na luṱingothendeleki, lwo dzumbamaho fhasi ha tombo ḽihulwane.

Murwa wa mufi, Vuledzani Mushamula, o ri zwithu zwo ṱalulwa zwavhuḓi nga muṱa. “Ro vhofholowa, nga murahu ha u tumbulwa. Ri tsini na u ḓivha uri ho itea mini khavho. Vho vha vha tshi nga si ye henefho nga vhone vhane. Fhethu he vhaa wanala hone ho vha hu kule vhukuma na miḓi. Tshiṅwe tshithu tshine tsha thithisa ndi tsha uri kiliniki a i na rekhodo ya u dalela havho nga ḽeneḽo ḓuvha. Ri khou lindela mvelelo dza DNA dza ukwatisedza, ngauralo ri nga vha ṋea mbulungo yo teaho,” vho ralo.

Muambeli wa mapholisa wa Limpopo Colonel Malelela Ledwaba vhari ho vulwa mulandu wa u ṱoḓisisa, zwi tshi tevhela zwe zwa tumbulwa.

“Ro tsivhudzwa nga ha tshiwo nga muzwimi we a vhiga u vhonala ha ṱhoho na marambo. Musi ri tshi swika, ro wana ṱhoho yo tshinyalaho na marambo o phaḓalalaho. Tsedzuluso dza u thoma dzo dzumbulula uri zwithu zwe zwa vha zwi hone fhethu ho iteaho tshiwo zwo vhonala zwi zwa mudzulapo wa muvhundu wa Tshiheni, we a vhigwa uri o ngalangala nga Tshimedzi 2022,” vho ralo.

Ledwaba vho engedza nga uri muraḓo wa muṱa vho ṱalula zwavhuḓi khadi ya zwiambaro na Basa sa ine ya vha ya mufumakadzi o ngalangalaho. Dethele na marambo zwo kuvhanganywa u itela tsenguluso ya DNA u itela u khwaṱhisedza vhuḓiṱalusi hawe nga nḓila yo fhelelaho.

Date:16 December 2025

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019. He currently writes on a freelance basis, covering human rights issues, court news and entertainment.

Read: 441