Murei wa khovhe o wanala o lovha damuni ḽa Nandoni

Tshiṱori nga Elmon Tshikhudo. Ṱhalutshedzo nga Khathutshelo Raliphaswa.

Murangaphanda wa sialala wa Habudeli, Vhamusanda Vho Nndweleni Muthaphuli, vhonetshedza maipfi a khwaṱhiso kha tshitshavha tsha hawe malugana na u rea khovhe kana u bambela Damuni Nandoni, vha tshi amba nga ha khombo ya u nwelkhothe  kana u vutshelwa nga ngwena.

Zwe Vhamusanda Muthaphuli vha zwa zwo ḓa nga murahu ha musi murei wa khovhe, Jeremiah Muguri, o wanala kha damu nga Ḽavhuraru, ḽa 5 Ḽara. Vho-Muguri, vha re na miṅwaha ya 30 na u bva muvhunduni wa Masvingo Fambe ngei Zimbabwe, hu pfi vho vha vho no fhedza maḓuvha o vhalaho vha sa vhonali nga hone u ngalangala. Vhavhusi vha humbulela uri tshikepe tshawe tshiṱuku tsha u rea khovhe tsho vha tsho no ḓi dzhena kha vhuimo, zwa ita uri a fhire fhano shangoni.

Nandoni Dam, yo fhelaho nga 2005, yo vhulaha vhathu vhanzhi nga miṅwaha, naho ho vha hu si na u nwela ho vhigwaho vhukati ha 2024 na 2025. Naho hu na ngeletshedzo dzine dza dovhololwa u bva kha vhavhusi, vhapo vha khou bvela phanḓa na u vhea khomboni ya u dzhena maḓini mahulwane.

Musi vha tshi khou zwa nga murahu ha tshiwo itshi, Vho Muthaphuli vho sumbedza u ṱungufhala vhukuma. “Mafhungo aya ndi mafhungo a ṱungufhadzaho. Ro vha na tshifhinga tsho dzikaho tshi si na u nwela sa izwi u vhewa hanga sa murangaphanḓa wa mvelele. Damu ndi haya ha dzingweṋa na dzinwe phukha dza maḓini; arali vha sa khou ḽiwa nga zwipuka izwi, vha vhea vhutshilo khomboni ya u nuvhela. Ndi ṱuṱuwedza tshitshavha uri tshi ṱoḓe khovhe nga nḓila yo tsireledzeaho na u iledza maḓi a vhulayaho,” vho ralo.

Murangaphanḓa wa mvelele vho dovha vha sumbedza pulane dza u vhidza vhathu vhavho u itela u thoma na u kombetshedza maga a u ṱarafa muṅwe na muṅwe ane a khou pfuka milayo ya tsireledzo.

Muambeli wa mapholisa a Vhembe Vho W/O Vuledzani Dathi vho khwathisedza uri tshiwo itshi tshi khou todisiwa sa mulandu wau ṱoḓa u ḓivha tshivhangi thsolaho mufu. “Ṱhoḓisiso dza u thoma dzi sumbedza uri Muguri o nwela musi a tshi khou rea khovhe na khonani nga ḽa 30 Tshimedzi. Tsedzuluso dzi khou bvela phanḓa,” vho ralo.

Date:20 November 2025

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019. He currently writes on a freelance basis, covering human rights issues, court news and entertainment.

Read: 456