Khumbelo dza Miss Venda Queen SA dzo vula

Tshiṱori nga Maanda Bele. Ṱhalutshedzo nga Khathutshelo Raliphaswa.

U todana na muimeleli wa mvelele a tevhelaho kha la Venda zwo thoma, nga u dzhena khamutatisano wa zwalunako wa Miss Queen 2025 zwino.

U fhira muṱaṱisano wa zwa lunako, muṱaṱisano u ḓivhea sa fhethuvhupo ha vhasidzanyana vhaṱuku u sumbedza vhurangaphanḓa, u ḓikukumusa ha mvelele na nḓivho ine ya vha na muhumbulo wa tshitshavha. Mudzudzanyi Vho Londanani Ndou vho amba uri bono ḽi re murahu ha tshiitea itshi ndi u ṋea maanḓa vha dzhenelaho nga u vha ṋea tshikhala tsha u sumbedza fulufhelo na mvelelo.

“Tshiitea itshi tsho sedza kha u ṋea maanḓa vhasidzinyanana vhaṱuku nga u vha ṋea tshikhala tsha u sumbedza fulufhelo ḽavho, ndivho na vhurangaphanḓa nga nḓila dzine dza takusa vhone vhaṋe na zwitshavha zwine vha bva khazwo,” ho amba Vho Ndou.

Muṱaṱisano u vhea u ombedzela ho khwaṱhaho kha mvelele ya Venda, u ṱuṱuwedza vhaṱaṱisani uri vha ṱanganedze na u pembelela vhufa havho. Vhaṱanganedzi vha ḓo dovha vha dzhenelela kha vhukando ha lufuno vhune ha ṱuṱuwedza u gonya ha matshilisano na mveledziso.

“Nga u ṱanganya vhukoni, mvelele, u ṋetshedzwa maanḓa na mvelelo dza matshilisano nga fhasi ha tshiitea tshithihi, ri khou sedza kha u sika tshenzhemo i sa hangwei ine ya ṱanganya vhathu, u pembelela vhufumakadzi na u vula miṋango ya tshikhala kha muṱanganedzi muṅwe na muṅwe,” Vho Ndou vha engedza.

Vhasidzana vhaṱuku vha miṅwaha ya 16 u swika kha 29 vhane vha dzula Venda nahone vha na masiaṱari a kha Instagram na Facebook dzi shumaho vha ṱuṱuwedzwa u dzhenelela. Mbalo ya u ṅwalisa R350 nahone i katela na sash.

Vhakundi vha nga lavhelela pfufho dzi ngaho R10,000 ya tshelede, vhauṱara, u ḓiphina nga mafhelo a vhege na phakhethe yau dzhiiwa zwifanyiso lwa phurofeshinaḽa.

Vhuṱambo hau fhedzisela ho dzudzanywa u farwa nga ḽa 15 Nyendavhusiku 2025 kha Senthara ya Vhutsila ya Florence Masakona ḓoroboni ya Thohoyandou, hune vha tevhelaho Miss Venda Queen SA vha do ṱalela nau mbvumbvuswa hone.

U dzhena, vha tamaho u dzhenelela vha nga rumela nomboro dza 081 654 4265 kana 060 728 5568 kha WhatsApp na u rumela dzina ḽavho ḽo fhelelaho, ḓorobo, miṅwaha na tshinepe tsha u ṱanganedza khumbelo ya u dzhena na dziṅwe ndaela.

Date:19 November 2025

By: Maanda Bele

Maanda  Bele, born and raised in Nzhelele Siloam, studied journalism at the Tshwane University of Technology. He is passionate about current news and international affairs. He worked as part of the Zoutnet team as an intern in 2017. He is currently a freelance journalist specialising in news from the Vhembe district.

Read: 399