Vendaboy Poet u khou bvela phanḓa nau imelela vhutsila ha vhurendi

Tshiṱori nga Elmon Tshikhudo. Ṱhalutshedzo nga Khathutshelo Raliphaswa.

Nga murahu ha lwendo lwa u bvelela u mona na dzhango ḽa Europea u bva nga ḽa 19 Khubvumedzi u swika ḽa 14 Tshimedzi, Vendaboy Poet ori u vhuyelela Afrika Tshipembe a mbo wana pfufho ya vhuimo ha nṱha ya FortyUnder40 kha khethekanyo ya muzika na vhuḓimvumvusi.

Lwendo lwawe lwo thoma ngau dalela embasi ya Afrika Tshipembe ngei Berlin, Germany, ha tevhela mbekanyamushumo ngei Lisbon, Portugal. O dovha a dalela Valencia, Spain, a vhuyelela Dzheremane u itela u pembelela Ḓuvha ḽa Afrika ngei Freiburg, nahone a i ita Strasbourg (France), Basel (Switzerland), na Milan, Italy, he a bvelela hone kha vhuṱambo ha Vhege ya veini ya Milan.

Pfufho ya 4000 i dzhiela nṱha vhaswa vha Afrika Tshipembe vha tshi khou bvelela kha zwa mabindu na zwa vhutsila. Murendi Vendaboy Poet, we zwino a kuvhanganya pfufho dza 15, o wana zwawe kha vhuṱambo ha u tamba kha Hodela ya Sandton Marriott nga ḽa 16 Fulwi. O zwi ṱalusa sa tshiga tsha u ḓivha na u aluwa. “Pfufho iyi i amba zwinzhi kha nṋe. I sumbedza uri ndo swika ngafhi na miṋango ye ya vula, nga maanḓa nga murahu ha lwendo lwa Yuropa lwa ṅwaha uno,” vho ralo.

O ṱanganedzwa nga vhulenda vhukavhamabupho ha Dzitshaka ha OR Tambo nga vhafuni vha maḓana nahone a ṱanganedzwa nga muhali muvhunduni wa  hayani HaNthabalala ngei Elim Mall nga murahu ha maḓuvha mavhili. Pfufho iyi i isa phanḓa na u khwaṱhisa vhuimo hawe sa muthu ane a khou ranga phanḓa kha vhutsila na mvelele ya Afrika Tshipembe.

Date:12 November 2025

By: Khathutshelo Raliphaswa

Khathutshelo Prudence Raliphaswa started her journey in the media industry by studying Media Consultancy at Boston College in 2018. She continued her studies in journalism at IIE Rosebank College and graduated in 2022. Her passion is to be creative with words and tell stories in a more detailed way. She started as an intern at Limpopo Mirror in 2023 and is primarily responsible for the translations into Tshivenda..

Read: 431