Lwenfolwa Dr Khubana lwo vhumbiwa nga nyalafho ya sialala

Tshiṱori nga Maanda Bele. Ṱhalutshedzo nga Khathutshelo Raliphaswa.

Kha Dokotela Murendeni Nethengwe ubva Maniini, tsini na Thohoyandou, ndila ya uya bvudzo dza PhD yawe yo thoma kale musi asathu dzhena laborothari - yo thoma hayani, yo tingeledzwa nga dzilafho ḽa mvelo ya minwahani yawe atshe ṅwana muṱuku.

O ri: “Ndo alutshela hune mishonga ya sialala ya shumiswa nga vhunzhi.” “Mme anga vho vha vha tshi dzulela u lugisela na u rengisa zwibveledzwa zwa zwimela. U vha ṱalela zwo ita uri ndi ṱoḓe u ḓivha nga ha nḓila ine zwimela zwa nga fhodza ngayo.”

U ṱangana honoho ha u thoma ha u fhodza ha mvelele ho fheleledza ho ṱuṱuwedza lwendo lwawe lwa zwa pfunzo gudedzini ḽa Cape Peninsula University of Technology (CPUT), he a wana hone ṱhanziela ya Doctor of Philosophy vhu sa shumiho. Thesi yawe yo ṱoḓisisa nḓila ine khomphuyutha dzo wanalaho kha Sennaplant dza nga thusa ngayo kha u langa u sa beba ha vhanna hu tshimbidzanaho na vhulwadze ha swigiri.

Kha Dokotela Nethengwe, mushumo wo vha u wa muthu nga eṱhe. O ṱalutshedza a ri: “Ndo vha ndi tshi ṱoḓa u sumbedza uri mishonga ya sialala i nga lingiwa nga lwa saintsi na u fulufhelwa.” “Zwitshavha zwashu zwo vha zwi tshi dzulela u ḓitika nga mvelo u itela u fhodza, nahone ndo vha ndi tshi ṱoḓa u vala honoho vhuṱali nga saintsi ya musalauno.”

Lwendo lwawe lwovha lu si na khaedu. U linganyisela pfunzo dzawe, vhuḓifhinduleli ha muṱa na nndwa dza muthu nga eṱhe zwo mu sukumedzela kha vhuimo ha nṱha. O tenda a ri: “Ho vha na zwifhinga zwe nda vha ndi tshi ḓipfa ndi tshi ṱoḓa u litsha.” “Fhedzi ndo humbula hune nda bva hone na uri ndi ngani ndo thoma.Ndo vha ndi tshi ṱoḓa u ita uri khotsi anga vho faho na tshitshavha tshanga vha ḓihudze.”

Zwino a tshi khou shuma kha Tyger Hospital, Dokotela Nethengwe i khou bvela phanḓa na u shumisa nḓivho yawe ya saintsi kha vhupo ha kiliniki ngeno i tshi kha ḓi vha na dzangalelo ḽa u ṱuṱuwedza u shumiswa ha vhuḓifhinduleli ha dzilafho ḽa mvelo.

O ri: “Mvelo yo vha i kilasi yanga tshifhinga tshoṱhe.” “Arali ri tshi ṱhonifha zwine ḽifhasi ḽa ri ṋea zwone, ri nga wana phindulo dza vhuleme vhunzhi ha mutakalo wa ṋamusi.”

“Ndi tou vha musidzana wa Maniini we a tevhela u ṱoḓa u ḓivha hawe,” o engedza nga fhasi. “Na u ṱoḓa u ḓivha zwo nnyisa nḓilani yoṱhe fhano.”

Date:11 November 2025

By: Khathutshelo Raliphaswa

Khathutshelo Prudence Raliphaswa started her journey in the media industry by studying Media Consultancy at Boston College in 2018. She continued her studies in journalism at IIE Rosebank College and graduated in 2022. Her passion is to be creative with words and tell stories in a more detailed way. She started as an intern at Limpopo Mirror in 2023 and is primarily responsible for the translations into Tshivenda..

Read: 426