Tshiwo tsha Nzhelele tsho shusha vhadzulapo.

Tshiṱori nga Maanda Bele. Ṱhalutshedzo nga Khathutshelo Raliphaswa.

Tshitshavha tsha Nzhelele vho akhamadzwa nga murahu ha musi mufumakadzi wa minwaha ya fuina-sumbe (47), Vho Sylvia Pandelani, hu tshi pfi vho vhulawa nga mufarisi wavho wa minwaha ya fuina-malo Vho Emmanuel Tshamaano, muvhunduni wa Makatu nga Musumbuluwo, wa ḽa 3 Ḽara. Ṅwananyana wawe wa miṅwaha ya 16 na ene o huvhala vhukuma kha u ṱhaselwa.

Nga Musumbuluwo vhusiku, miraḓo ya tshitshavha yo sinyuwaho yo vhigwa upfi yo fhisa nnḓu ya muhumbulelwa ya phera ṱhanu nahone ya vha na muṱangano, vho dzhia tsheo ya u mu pandela afho muḓini phanḓa ha musi a tshi farwa. Hu pfi muhumbulelwa o mbo ḓi bva a namba o shavha.

Uya nga hamuvhiho wa mapholisa vha Limpopo, hu pfi Tshamaano o vha o kombetshedza u dzhena hayani ha Pandelani ngeno ene na vhananyana vhawe vho edela. Muṱhannga o vuwa kha u vhidzelela ha khaladzi awe muṱuku nahone a wana mme awe vha tshi khou ṱhaselwa. Musi a tshi lingedza u dzhenelela, o dovha a ṱhavhiwa lunzhi-lunzhi.

Mapholisa vho swika vha wana Pandelani o lovha, na dzi mbonzhe zwinzhi dza u ṱhavha. Ṅwananyana wawe o mbo ḓi gidimiselwa vhuongeloni ha tsini u itela uwana zilafho.

Muhumbulelwa o farwa nga ḓuvha ḽi tevhelaho ngei Biaba, Makhado, musi hu tshi khou itwa mushumo wa u ṱanganelana nga vhaṱoḓisisi vha Siloam na mapholisa a Makhado, nga murahu ha u ḓi-tiela. Vho ḓivhonadza Khothe ya Madzhisiṱaraṱa ya Dzanani nga Ḽavhuraru, ḽa 5 Ḽara , malugana na u vhulaha na u lingedza u vhulaha. Tsedzuluso dzo dzumbulula uri ndi mutshinyi a dovhololaho.

Mukhomishinari wa mapholisa wa vunḓu wa Limpopo vho farelahoVho Maj-Gen Scheepers vho sasaladza u ṱhaselwa uhu, vha zwi ṱalusa sa “iṅwe khumbudzo i ṱungufhadzaho ya u ṱangana ha khakhathi dzo thewaho kha mbeu zwitshavhani zwashu.”

Tshinyadzo Madou wa Thohoyandou-Nzhelele Opferety Group vhari tshiwo itshi tsho sia tshiwo tsho rwela ntha mbilu.

“Vhafumakadzi vha Nzhelele vho ṱungufhala nga tshiitea itshi tshi ṱungufhadzaho. Ro lingedza u dzula fhasi na vhanna u haseledza mafhungo a khakhathi dzo thewaho kha mbeu, nahone zwi a vhaisa uri zwi kha ḓi bvela phanḓa. Mufumakadzi uyu o vhulahwa hu si na tshilidzi nahone o sia vhana vhawe vhe vhoṱhe - muṱukusa ndi wa miṅwaha miṋa fhedzi. Sa tshigwada tsha thikhedzo, ri ḓo tevhela mulandu uyu u swika ri tshi wana khaṱulokwayo,” Vho Madou vho ralo.

Mukhantseḽara wa Ward 33 Vho Khuliso Mukheli vhari vhana vho vha vho ṱungufhala nga murahu ha u vhona u vhulahwa ha mme avho. “Ro rumela vhashumi vha zwa matshilisano uri vha thuse vhana nahone ri khou shumisana na Muhasho wa Mveledziso ya Matshilisano u vhona uri vha wana magavhelo a u ṱhogomela vhana vhane vha khou aluswa. Ri kha ḓi vha vhege dzi si gathi fhedzi u bva kha Maḓuvha a 16 a Activism, nahone ndi tama u ṱuṱuwedza vhanna uri vha litshe khakhathi dzo ḓisendekaho kha mbeu,” Vho Mukheli vho ralo.

Date:07 November 2025

By: Khathutshelo Raliphaswa

Khathutshelo Prudence Raliphaswa started her journey in the media industry by studying Media Consultancy at Boston College in 2018. She continued her studies in journalism at IIE Rosebank College and graduated in 2022. Her passion is to be creative with words and tell stories in a more detailed way. She started as an intern at Limpopo Mirror in 2023 and is primarily responsible for the translations into Tshivenda..

Read: 487