Dzi Nḓou dzo dovha u tshinyadza bulasi ya Vho Makuya

Tshiṱori nga Elmon Tshikhudo. Ṱhalutshedzo nga Khathutshelo Raliphaswa.

Mulimi Vho Makuya Joseph Munzhelele vho xelelwa vhukuma musi nḓou dzi tshi kandekanya tsimu yawe ya mitshelo ya mango lwa vhuvhili hu sa athu fhela miṅwaha mivhili. Tshiitea tsha zwenezwino tsho itea kha vhusiku vhuraru, u bva nga ḽa 25 u ya kha ḽa 27 Tshimedzi, zwa sia nḓila ya u fhelisa musi tshifhinga tsha manngo tshi tshi khou sendela.

Nḓou hu tendiwa uri dzo bva kha gammba ya Makuya Nature Reserve ya tsini, ine ya vha ya Muhasho wa Mveledziso ya Ikonomi wa Limpopo, Mupo na Vhuendelamashango (LEDET). Munzhelele na vhanwe vho rabulasi vhapo a vha athu u lifhelwa kha mulandu wa tshinyalelo ya kale.

“Hezwi zwo kalula kha nṋe. Nḓou dzo no vha khombo. Ri khou xelelwa nga vhutshilo hashu sa izwi zwipuka izwi zwi tshi khou tshimbila zwo vhofholowa kha vhupo hashu. Phakha yo fhungudzwa ya vha tsimu ya u fula nga ṅwambo wa u sa ṱhogomelwa. A i tsha ḓo ḓifha, nahone zwipuka zwa ḓaka zwino zwi fula nga kholomo,” vho ralo.

 Vho Munzhelele vho anganyela uri u xelelwa havho zwi swika masheleni a paḓaho R40,000 vha ri ndingedzo dza u ṱoḓa mbadelo nga LEDET a dzo ngo tshimbila zwavhuḓi. “Hoyu ndi ṅwaha wa vhuvhili ndi sa athu kaṋa tshithu. Ndo ya ofisini dza muhasho ngei Thohoyandou, fhedzi vho tendelwa tshelede ya u ya Kruger National Park. Vha fanela u nndifha nga ṅwambo wa u xelelwa hanga hoṱhe,” vho ralo.

Muambeli wa LEDET Vho Zaid Kalla vhari muhasho u a zwi ḓivha nga ha nyimele. “Nga u ṱavhanya musi ro no wana nḓivhadzo, tshigwada tsha vhalindi vho rumelwa. U ṱoḓa hu khou bvela phanḓa, fhedzi nḓou a dzo ngo vhonala. Ri humbela muthu muṅwe na muṅwe ane a vhona zwipuka zwa ḓaka henefho fhethu u itela u ḓivhadza vhavhusi,” vho ralo.

Date:05 November 2025

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019. He currently writes on a freelance basis, covering human rights issues, court news and entertainment.

Read: 481